ورجعت ريما لعادتها القديمة .

اللهم آآميــن

نخش في موضوع "ريما " و"عادتها "
ايه الموضوع بالظبط ؟
صلوا علي النبي
عليه الصلاة والسلام

طبعاً الفترة اللي فاتت المصـــريين عاشوا
** حالة جديدة من نوعها
** حالة رعــب
** حالة زهــول
** حالة خــوف
** حالة هلــع
** حالة صــدمة
**حالة هو في ايه وايه اللي حصل وايه اللي بيحصل !؟
حااااااااااااااالة لا يسطيع وصفها إلا من عايشها وعاصرها
ولا أريد التكلم عنها إطلاقاً
فالواحد طهق من الكلام عنها ومن السماع ومن الاخبار ومن ومن ...لدرجة ان الواحد كان بيكلم الحيطة والجماد عن اللي حصل وبيحصل .
فالله المستعان

انا بس حبيت دي تكون المعبر بتاعي للدخول في موضوعي
فبالتالي لا اريد كلام ولا تعليقات عن اللي حصل خاااااالص بارك الله فيكم

طيب
ريما مين ؟ وعادتها ايه بقي ؟
هقول متقلقوش
ولكن
صلوا علي الحبيــب
صلي الله علي محمد صلي الله عليه وسلم

" ولنبلونكم بشيء من الخوف والجوع ونقص من الأموال والأنفس والثمرات وبشّر الصابرين "155" الذين إذا أصابتهم مصيبة قالوا إنا لله وإنا إليه راجعون "156" أولئك عليهم صلوات من ربهم ورحمة وأولئك هم المهتدون " 157" -البقرة-

واعتقد كلهم ابتلينا بيهم
الخوف : الجميع كان مرعوب وواحدة جارتنا قلبها وقف وماتت من الخوف _ ربنا يرحمها _.
الجوع : في ناس كتير جاعت بالطبع خاصاً من دُمرت ممتلكاتهم , والفقراء اللي كانوا عايشين من إنفاق بعض الناس عليهم ولكن المعظم قال فقراء ايه بقي ما كلنا فقرا خلي قرشك في جيبك ينفعك بكرة .
نقص من الأموال : مليارااااااااااات المليارات اللي راحت من فلوس البلد والغاز اللي اتحرق والمعاشات اللي اتأخرت والفلوس اللي اتسرقت من البنوك وووووو .
نقص من الأنفس : الشهداء اللي ماتوا نسأل الله أن يرحمهم ويتقبلهم شهداء ويصبر اهلهم -آمين - .
نقص من الثمرات : السلع قلت وسعرها زاد .

وبشّر الصابريــــــن
اللهم اجعلنا منهم يارب

وضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع والخوف بما كانوا يصنعون ( 112 )

تنطبق علي مصرنا جدا الأية دي
اللهم ردنا إليك رداً جميلاً

" أحسب الناس أن يُتركوا أن يقولوا ءامنا وهم لا يُفتنون "2" ولقد فتنا الذين من قبلهم فليعلمنَّ الله الذين صدقوا وليعلمنَّ الكاذبين "3" - العنكبوت-
اللهم اجعلنا من الصادقين
آآآآميـــن

فاللي حصل دا كان ابتلاء من الله
والشهادة لله
الواحد كان في غاية السعادة لرجوع الناس لربنا
وشهامة الشباب اللي ظهرت معدنهم المسلم المصري الأصيل مهما كانت مغطاة بشوائب الفتن والشهوات ولكنها بفضل الله موجودة الحمد لله .

ولكن
ولكن
ولكن
.
.
.
.
.
.
.
.
.
.
.
.
.
.
.

" رجعت ريما لعادتها القديمة للأسف الشديد "

هذا مثَل مصري
وريما هنا المقصود بها الناس او المعظم حتي لا نعمم
وعادتها هي ... الآتي :

# الشباب بعد اما كان بيصلي وكان المسجد ممتليء بهم في صلاة الفجر وكانت القلب منشرح بهم --->رجع تاني المسجد افتقدهم بمرور الأزمة _ مع انها ممرتش ولا حاجة ربنا يسترها _ بس المعظم اعتقد انها مرت وخلصت

وكأن شيئاً لم يكن .

ليه كدة يا ريما قصدي يا شباب يا مسلم يا مصري؟

# البنوك لما كانت متوقفة كلها اثناء والدنيا ارتاحت من الربا البشع اللي فيها ---> رجعت زي ما هي وغبّرت الدنيا تاني بعفار الربا وكأن شيئاً لم يكن .

ليه كدة يا ريما قصدي يا اصحاب البنوك والأموال ؟

# بناتنا ونسائنا بعد اما بطلوا يخرجوا من بيوتهم اثناء الأزمة ولو خرجوا الصبح عن خوف ورعب يحتشموا جداا في اللبس ---> رجعوا زي ما هم اللبس المتبرج الضيق والمكياج وكأن شيئاً لم يكن !.

ليه كدة يا ريما قصدي يا بنت الإسلام ؟؟

# اصحاب العربيات والفيزبات اللي كانوا اثناء الأزمة بيشغلوا قرءان بصوت عالي يسمعه كل من في الشارع ---> رجعوا يسمعوا اغاني الشيطان بل ويعلوها ويسمعها كل من في الشارع وكأن شيئاً لم يكن !

ليه كدة يا ريما قصدي يا ناس يا طيبين ؟؟

# شبابنا اللي نسي البنات ومعاكساتهم وكانوا رجالة بمعني الكلمة يحموا ناسهم ومنطقتهم وبلدهم وكانوا جنود بمعني الكلمة يصدون ويتربصون للمفسدين والمخربين ---> رجعوا تاني للوقوف علي نواصي الشارع وفي يدهم الموبايلات بالاغاني الشيطانية ومعاكسة الرايحة والجاية وكأن شيئا لم يكن .

ليه كدة يا ريما قصدي يا ابطالنا يا عواميد وأسلحة الأمة ؟؟

# أبائنا وأمهاتنا اللي كانوا ساجدين بين يدي الله يقيمون الليل ويبكون ودموعهم تملأ سجادة الصلاة ويدعون بالنصر والتكمين وووووو ---> أين أنتم يا احبابنا ليه تكاسلتوا عن الدعاء والقيام ؟؟

# الناس اللي كانت انقطعت عن المسلسلات والأفلام وتفرغت لنشرة الأخبار المتواصلة 24 ساعة اثناء زروة الأزمة ---> انما للاسف بعدها رجعوا تاني لمتابعة قنوات الفسق والضلال عادي جدا وكأن شيئاً لم يكن ! .

# شبابنا مدمني الشات المحرم والمواقع الإباحية انقطعوا عنها رغماً عنهم اثناء انقطاع النت وبإرادتهم اثناء زورة الأزمة ---> رجعوا تاني وكأن شيئاً لم يكن ! .

# شبابنا ورجالنا مدمني ماتشات الكورة ومتابعتهم اللي انقطعوا عنها نهائي اثناء الأزمة ---> رجعوا تاني وكأن شيئاً لم يكن ! .

# الملتزمين والملتزمات يا من عرفتوا وترجمتوا اللي حصل علي انه رسالة من ربنا وابتلاء من ربنا للأمة وافتكرتوا كل احاديث النبي عليه الصلاة والسلام اللي بتتكلم عن اخر الزمان وفتن اخر الزمان وخفتوا ورجعتوا لربنا اكثر واكثر اثناء الأزمة ---> ليه تلكأتوا قليلاً تاني ؟

(كل الامثلة السابقة هذه نقول معها كلمتنا الغير معممة

_ إلا من رحم ربي _ )

ليه ؟ ليه ؟ ليــــــه ؟

ليه بنعرف ربنا بس في الشدة
وبعدين نتركه في الرخاء ؟
ليه الناس فاكرة ان ربنا يُلجأ إليه فقط ساعة الشدائد والمصائب ؟
هو احنا نسينا احنا اتخلقنا ليه أصلا ؟؟!
يظهر نسينا
" وما خلقت الإنس والجن إلا ليعبدون "
- الذاريات -
ربنا خلقنا لنعبده أناء الليل وأطراف النهار مش في وقت المصايب بس .. ووقت الرخاء نعمل اللي نعمله ولا حول ولا قوة إلا بالله
" وما قدروا الله حق قدره "

ياااااااااارب ردنا إليك رداً جميلاً

آآآآآمين

فكلمة أخيرة لاني عارفة اني طولت جدا

ندااااااااااااء لنفسي المقصرة أولا ثم لكم اخوتي
عايزين اللي حصل ميمرش علينا كدة مرور الكِرام
لالالالالا عايزين نكون فطناء نفهم رسائل الله لنا
فنحن الحمد لله
الحمد لله
الحمد لله
مازلنا أحياء نُرزق علي قيد الحياة
وهذه النعمة لوحدها المفروض نشكر الله عليها كل لحظة وكل ثانية , اننا لسه الفرصة قدامنا
نتقرب الي الله اكثر واكثر .
نترك المعاصي .
منعديش يوم يمر علينا إلا وفيه فائدة دينية او ثقافية تنفع الأمة .
نبدأ في معرفة دين الله عز وجل وسنة نبينا عليه الصلاة والسلام فديينا بحوره كثيرة وممتعة فلنبدأ ولو حتي من الصفر بس نبدأ

فقد قال الرسول صلى الله عليه وسلم

"إن هذا الدين متين فأوغلوا فيه برفق"

[صحيح الجامع رقم (2246)]

فمن سوف يُلبى نداء الله ؟ ..

{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]

فلنجعل هذه اللحظة لحظة تغيير فى حياتنا كلها ..

اغرس هذه المعاني في قلبك وتعايشها واصرخ من داخلك

وقل: آن الأوان يـــــــارب ..

آن يـــــــارب

آن يــــــــارب

جايلك يارب

راجعلك يارب

قبل ان تأتي لحظة الندم بتقول فيها

( ربِّ ارجعون لعلي أعمل صالحا )

فيرد عليك الله بـ ( كلا )

يااااااااا كلمة " كلا " معناها انسي ..انت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها

( لا إله إلا الله ) ..

( كلا ) !!!!!!!!!

يا تري هتستني لما تتقالك وانت علي فراش الموت ؟؟؟؟؟؟؟؟

اللحظة اللي فيها لا تملك اي شيء حتي اعضائك لا تملك ان تحركها , لسانك دا اللي من شوية كنت بتتكلم عادي وبتهزر به , دلوقتي عايز تحركه عشان يقول ( لا اله الا الله) اسهل كلمة ع وجه الارض .

سبحان الله لا يستطيع ان يتحرك وينطق بكلمة الحق لان مش هو اللي بينطق لالالا دا عملك طول حياتك هو اللي هينطق هو اللي هينجدك في اللحظة الرهيبة دي .

وختاماً

تدعوا لاختكم
بالتوفيق والإخلاص وحُسن الخاتمة

وسبحانك اللهم وبحمدك اشهد أن لا إله أنت أستغفرك وأتوب إليك .

وجزاكم الله خيراً